Kanë kaluar më shumë se 15 vite që kur Concorde fluturoi me shpejtësi më të madhe se vetë shpejtësia e zërit, por po punohet për të risjellë udhëtimin supersonik. CNBC ka bërë një vizitë tek kompanitë që aktualisht po ndërtojnë avionët supersonikë:

Boom Supersonic

Aeroplani: OVERTURE

Shpejtësia: MACH 2.2

Udhëtimi i parë: 2023

Themeluesit e Boom shpresojnë se aeroplani me 55 vende do të jetë 30 për qind më efikas dhe 30 herë më i qetë se Concorde. Në fillim të janarit, kompania me qendër në Kolumbi Boom Supersonic thuhet se ka mbyllur një raund investimi prej 100 milionë dollarësh për të mbështetur zhvillimin MACH 2.2, Overture. Fondi i përgjithshëm për Boom tani qëndron në 141 milionë dollarë. Boom thotë se avioni i demonstruesve supersonik, XB-1, do e thyejë pengesën e zërit në 2019 për herë të parë dhe do të arrijë në Mach 2.2 pak kohë më pas.

Aerion Supersonic:

Avioni: AS2

Shpejtësia: MACH 1.4

Udhëtimi parë: 2023

Aerion po ndërton një avion biznesi me 12 vende që ka aftësinë të fluturojë drejtpërdrejt nga Nju Jorku në Sao Paulo dhe nga Londra në Pekin. Gjithashtu po planifikon të zhvillojë variante të mëdha dhe më të shpejta të AS2, përfshirë modelet potenciale komerciale. Faza paraprake pritet të përfundojë në vitin 2020.

Spike Aerospace

Avioni: SPIKE S-512

Shpejtësia: MACH 1.6

Udhëtimi parë: 2023

Spike Aerospace me bazë në Boston thotë se S-512 do të jetë avioni më i shpejtë civil në dispozicion. Po ndërton një avion të qetë supersonik prej 12 deri në 18 personash që synon të fluturojë nga Dubai në Nju Jork pa ndalesa në pothuajse gjysmën e kohës që aktualisht merr një avion. Ata po zhvillojnë planin prej 125 milionë dollarësh me ndihmën e Greenpoint Technologies dhe Siemens.

Por nëse supersonikët nuk janë aq të shpejtë … Boeing ka lancuar një model të një avioni hipersonik.

Boeing

Avioni: I panjohur

Shpejtësia: MACH 5

Fluturimi parë: ???

Avionët hipersonikë do të udhëtojnë në Mach 5. Pesë herë me shpejtësinë e zërit. 3,836 milje në orë. Do të thotë se avioni do të marrë pak më shumë se dy orë për të përfunduar udhëtimin Nga Sidnei në San Francisko. Rreth dy orë e gjysmë më shpejt se një avion supersonik.

Burimi:CNBC

Përshtati: Estina Trungu/SCAN