Sipas MeteoAlb bregdeti dhe zonat e ulëta vijojnë me kthjellime gjatë gjithë ditës, por vranësira të lehta e kalimtare paraqiten zonat malore. Pasditja mbetet sërish me kthjellime në pjesën më të madhe të vendit, por vranësira të shpeshta shfaqen përgjatë kufirit lindor.

Temperaturat e ajrit do të rriten në të dy vlerat ditore duke luhatur vlerat ditore nga 20°C mëngjesi deri në 39°C mesdita.

Era do fryjë e lehtë me shpejtësi deri 25 km/h, nga drejtimi Veriperëndimor duke gjeneruar në det dallgëzim 2 ballë.

Sot në përgjithësi, nuk priten reshje.

Ekziston mundësia që në zona shumë të kufizuara të ketë ndonjë reshje në formë shtrëngate me rrufe dhe breshër, më të mundshme në zonat malore dhe ato pranë tyre në Lindje, kryesisht gjatë pasditeve.

Era do të vijojë të fryjë e lehtë deri mesatare.

Temperaturat minimale dhe maksimale

Në bregdet: 22 / 31 °C

Në vendet e ulëta: 20 / 35 °C

Në vendet malore: 16 / 31 °C