Bizneset në vështirësi, aftësia e paguese e kredimarrësve është përkeqësuar

Hënë, 22 July 2019 08:17

Bizneset po ushtrojnë aktivitetin në një ambient të vështirë këtë vit për shkak të paqartësive që po vijnë nga zhvillimet poltike në vend dhe nga sinjalet jo fort të mira për rritjen ekonomike të vendit sipas pritshmërive.

Për këtë arsye aftësia paguese e bizneseve në vend  është përkeqësuar në tremujorin e dytë të vitit sipas një vrojtimi që Banka e Shqipërisë ka bërë me bankat tregtare në vend për ecurinë e kushteve të kreditimit.

Bankat janë përgjigjur se bizneset kishin raportuar për përkeqësim të bilanceve të tyre dhe për rrjedhojë edhe të aftësisë paguese. Kjo gjendje e e biznesit ka detyruar bankat që ti shtrëngojnë më tej kushtet e kreditimit.

Bankat kanë raportuar se kushtet dhe termat e përgjithshëm mbi kreditë e reja akorduar bizneseve u shtrënguan disi nga një tremujor më parë. Shtrëngimi i lehtë i kushteve dhe termave të kreditimit për bizneset u arrit nëpërmjet aplikimit të marzheve disi më të larta mbi kreditë me rrezik.

Për këtë arsye bankat janë shprehur se kanë reduktuar madhësinë e kredisë dhe kanë rritur kushtëzimet në marrëveshjet e kredisë për bizneset.

Biznesët janë përfshirë në një periudhë pesimizmi e relfektuar edhe në treguesin e besimit. Kriza politike që po zgjat prej muajsh dhe nuk duket se po shkon drejt zgjidhjes, përkundrazi sa vjen e komplikohet, ka dhënë ndikim negativ dhe në pritshmëritë e bizneseve dhe konsumatorëve. Banka e Shqipërisë njoftoi se treguesi i ndjesisë ekonomike (TNE) ra me 0.7 pikë gjatë tremujorit të dytë të vitit 2019.

Vetëm sektori i shërbimeve për shkak të turizmit është disi më optimist, po sektorët e industrisë, ndërtimit, tregtisë dhe konsumatorët kanë rritur nivelin e pesimizmit dhe për rrjedhojë kanë analuar planet e invetsimit dhe konsumit.

Bankat raportuan se bizneset kanë ulur me 15% kërkesën për huanë me qëllim investimi, ndërkohë që për ato të përdorura në financimin e nevojave për likuiditet, kërkesa u perceptua më e lartë. Parë në prizmin e madhësisë së biznesit, rënia më e theksuar e kërkesës për kredi u vlerësua nga ana e bizneseve të mëdha.

Nga ana tjetër ekonomia ka tkurrur ndjeshëm ritmet e rritjes në tremujorin e parë të këtij viti, duke u rritur me vetëm 2.21 në tremujorin e parë të këtij viti, në krahasim me të njëjtën periudhë të një viti më parë, deklaroi sot iNSTAT. Kjo është rritja më e ulët që nga tremujori i dytë 2015 dhe gati sa gjysma e performancës prej 4% të vitit 2018./monitor/

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...