Vrau të fortin e Tiranës në një spital të Milanos, kërkon heqjen e dënimit me burg përjetë

Hënë, 09 September 2019 21:54

Arben Grori është personi i dytë që bashkë me Gerd Gjeneralin ekzekutuan 22 vjet më parë “të fortin” e Tiranës, Naim Zyberin. Por, ndërsa i dyti la qelitë pak muaj më parë, për Arben Grorin, seanca gjyqësore mbi kërkesën e tij për heqjen e dënimit me burgim të përjetshëm është shtyrë, për sjkak të mungesës së prokurorit dhe vetë Grorit.

Seanca e radhës është lënë për në 20 shtator. Grori është i dënuar për vrasjen e Naim Zyberit në Itali. Zyberi u ekzekutua më 6 gusht të vitit 1997 nga tre persona, dy prej të cilëve Arben Grori dhe Gerd Gjenerali, i cili është liruar nga burgu në mes të korrikut, ndërsa tashmë kërkon ndryshim vendimi me qëllim lirinë edhe i akuzuari tjetër.

Por kush ishte Naim Zyberi? Në fillim të viteve ’90, Naim Zyberi njihej si një nga të fortët e kryeqytetit, rival i fortë i një tjetër emri të njohur në Tiranë gjatë atyre viteve, Gaz Muça. Zyberi u ekzekutua më 6 gusht të vitit 1997 nga tre persona, dy prej të cilëve Arben Grori dhe Gerd Gjenerali.

Naim Zyberi në vitet e para të ’90-s kishte arritur të mblidhte rreth vetes një grup djemsh, të cilët, sipas mënyrës që kishin vetëpërcaktuar, bënin ligjin në lagjet e kryeqytetit. Ai u cilësua si një nga atentatorët e Gaz Muçës, ngjarje për të cilën edhe u arrestua bashkë me Franc Konomin, i cili nuk u mor vesh asnjëherë se si arriti jo vetëm të dilte nga burgu, por edhe t’i shpëtonte deri në vitin 2010 hakmarrjes së djemve të Rrugës Bardhyl.

Pas hapjes së burgjeve në ’97-n, edhe Naim Zyberi si shumë të tjerë arritën të largoheshin nga qelitë duke rifituar lirinë. Por Zyberi nuk do t’i shpëtonte dot hakmarrjes për vrasjet e Artur Grorit dhe të Gaz Muçës. Ai u ndoq deri në Itali nga vëllai i Grorit, Arbeni dhe atentati i parë iu bë në një bar në Torino, vend ku Naim Zyberi mbeti i plagosur rëndë dhe për këtë arsye, iu desh të qëndronte i shtruar në spital për disa kohë.

Madje, për mjekim më të specializuar u dërgua në spitalin e Milanos. Fakti që Zyberi mbeti gjallë nuk bëri që autorët të dorëzohen. Më datë 6 gusht, Gerd Gjinarari, që mbante një tufe me lule në dorë, brenda të cilës kishte fshehur pistoletën dhe Arben Grori, bashkë me një person tjetër, futen në dhomën e spitalit ku ndodhej Zyberi dhe e qëllojnë aty për vdekje. Por shumë shpejt arrestohen nga policia italiane.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

FOTO/ Ngricat dhe bora, ARRSH informon për dy akset në Veri

Aktualitet

FOTO/ Ngricat dhe bora, ARRSH informon për dy akset në Veri

Autoriteti Rrugor Shqiptar informon lidhur me dy akse në Veri, Kukës- Fushë Arrëz dhe Fushë- Arrëz Pukë duke thënë se qarkullimin vijon normalisht. Pasi këto dy akse ishin problematike për shkak...

FOTO/ Lëkundje të forta tërmeti, 4.5 ballë në Kukës

Aktualitet

FOTO/ Lëkundje të forta tërmeti, 4.5 ballë në Kukës

Lëkundje të forta tërmeti janë ndjerë pak më parë në Kukës. Siç bëhet e ditur lëkundjet kanë qenë 4.5 ballësh.   Epiqendra ka qenë pranë Kurbneshit dhe 26 kilometra larg Kukësit.         © SYRI.net

VIDEO-FOTO/ Bie zjarr në televizionin lokal të Kukësit

Aktualitet

VIDEO-FOTO/ Bie zjarr në televizionin lokal të Kukësit

Një zjarr ka rënë në mesnatë në studiot e televizionit lokal të Kukësit. Siç shkruhet në faqen e televizionit ‘KukësTv’, zjarri ka rënë në orën 00:30 minuta të ditës së sotme. ‘Sot...

Sondazh

Nothing found!