Policia financiare e Katanias ka ekzekutuar sot 5 urdhër-arreste për vuajtjen e dënimit me burg, të lëshuar nga Gjykata e Apelit, për shtetasit Angelo Busacca, Anonino Riela, Vincenzo Spampinato, Nezar Seiti dhe Maridian Sulaj.

Siç shihet dy nga emrat janë shtetas shqiptarë, të ndaluar dhe më parë për trafik droge e bashkëpunëtorë të Habilajve. Prangosja e tyre ka lidhje me hetimet e vitit 2017 dhe sot janë dënuar me vendim të formës së prerë

Ata janë nën hetim për akuza të ndryshme, si organizatë kriminale për trafikimin ndërkombëtar të drogës dhe mbajtjen pa leje të armëve luftarake.

Hetimet kanë të bëjnë me një grup kriminal të përbërë nga njerëz nga Katania dhe shqiptarë, të cilët merreshin me furnizimin e Katanias, Raguzës dhe Sirakuzës me marijuanë të importuar nga Shqipëria. Kjo është hera e dytë që Nazar Seiti arrestohet, pasi vite më parë ai u ekstradua nga Shqipëria për në vendin fqinj.

Pas një procesi gjyqësor, shqiptari u la i lirë. Hetimet e kryera nga njësitë e specializuara antidrogë, kanë çuar në sekuestrimin e rreth 3.5 ton marijuanë, para cash dhe kallashnikov. Në kuadër të këtij procedimi në flagrancë janë arrestuar 24 persona. Është përfshirë edhe policia shqiptare dhe Interpoli, të cilët kanë arritur të konstatojnë lëvizjen e një sasie tjetër prej 4 tonësh drogë nga ky grup.

Mediat italiane bëjnë me dije se janë dënuar, respektivisht:

Maridian Sulaja u dënua me 8 vite burg, të gjitha ende për t’u shlyer, pasi u shpall fajtor për krimet e konspiracionit dhe trafikut të drogës, me rrethanat rënduese të sasisë së madhe dhe transnacionalitetit të krimeve;

Angelo Busacca u dënua me 6 vjet e 10 muaj burgim (nga të cilat 6 vjet, një muaj e 26 ditë për t’u shlyer), pasi u shpall fajtor për një komplot kriminal me qëllim trafikun e drogës;

Antonino Riela u dënua me 14 vjet e 8 muaj burgim (nga të cilat 13 vjet, 10 muaj e 14 ditë për shlyerje), për shkak se ishte fajtor për shoqërim kriminal dhe trafik droge, me rrethanat rënduese të sasisë së madhe dhe të transnacionaliteti i krimeve dhe mbajtja e paligjshme e armëve të luftës.

Nezar Seiti u dënua me 6 vjet e 8 muaj burgim (të gjitha për t’u shlyer), pasi u shpall fajtor për veprën e komplotit për qëllime të trafikut të drogës;

Vincenzo Spampinato u dënua me 9 vjet burgim (nga të cilat 8 vjet, 3 muaj e 8 ditë ende për shlyerje), për shkak se ishte fajtor për shoqërim kriminal dhe trafik droge, me rrethanat rënduese të sasisë së madhe dhe të transnacionaliteti i krimeve dhe mbajtja e paligjshme e armëve të luftës.