Banania është një frut mjaft popullor në mbarë botën. Ajo është një burim i shkëlqyeshëm i kaliumit dhe përdoret gjithashtu në përgatitjen e ëmbëlsirave të ndryshme. Përveç kësaj, është një frut i preferuar për shumë njerëz. Jo vetëm fruti, por edhe lëkura e saj ka veti kurative të shumta.

Ajo mund të ndihmojë në përmirësimin e cilësisë së lëkurës. Banania përmban shumë vitamina dhe minerale të dobishme për shëndetin dhe lëkurën tuaj.

Ajo që shumë njerëz nuk dinë, është fakti se edhe pse ky frut është pak i rëndë, mund t’ju ndihmojë të humbni peshë nëse e hani siç duhet.

Pra, dëshironi ta dini se cila është koha më e mirë për ta ngrënë në mënyrë që të mos shtoni peshë?

Bananet e pjekura mirë janë më të pasura me sheqer, ndërsa ato të cilat janë jeshile përmbajnë shumë niseshte. Përsa i përket fibrave dhe yndyrës, janë në sasi shumë të ulëta. Ato përmbajnë antioksidantë që ju ndihmojnë në përmirësimin e shëndetit të përgjithshëm.

Koha më e mirë për të ngrënë banane në mënyrë që të humbni peshë është në mëngjes. Kjo rrit ndjesinë  e ngopjes. Duke qenë se përmban shumë fibra, është mirë ta hani në këtë kohë të ditës, në mënyrë që t’i ktheni ato në energji! /shije.al/