Turistët italianë zgjedhin Shqipërinë jo vetëm për të pushuar. Numri i tyre në vend, ka ardhur duke u rritur dhe duket se kjo lidhet me një tjetër turizëm: atë dentar. Mediat italiane shkruajnë se italianët e zgjedhin vëndit tonë jo vetëm për të shijuar bukuritë natyrore, por edhe për tu kujdesur për shëndetin dentar, pasi atë mund ta përfitojnë 70% më lirë se në Itali.
Kështu, italianët, vizitojnë Shqipërinë, pushojnë disa ditë dhe sigurisht rregullojnë dhëmbët në klinikat dentare në Shqipëri.
Por, çfarë e favorizon Shqipërinë? VadoinAlbania.it rendit afërsinë gjeografike, mundësitë që ta gjesh këtë shërbim në një qytet bregdetar, si Durrësi apo Vlora, por edhe në Tiranë, pasi distanca nga bregdeti, për ata që preferojnë plazhin është e vogël.
Para se të zgjidhnin Shqipërinë, italianët e kryenin këtë rutinë edhe në Kroaci apo Hungari.
