Nga Kastriot Dervishi
Më 3 tetor 1949 vdiq në një hotel të Nju – Jorkut, në një rrethanë që ka mbetur gjithnjë e dyshimtë, Mit’hat Frashëri. Në qarqet e emigracionit politik shqiptar (Itali), vdekja e tij u njoftua nëpërmjet kësaj flete bashkëlidhur e cila u lexua nga Halim Begeja. Mit’hat Frashëri, i karakterizuar nga thjeshtësia personale, albanolog, ministër, përfaqësues i Shqipërisë në Lidhjen e Kombeve, kryetar i Ballit Kombëtar dhe së fundi kryetar i Komitetit Shqipëria e Lirë (qeveria antikomuniste në mërgim), përmendet në këtë fletë për thëniet e tij se komunizmi ishte mashtrim rus, antidemokratik e antinjerëzor, si dhe për aleancën anglo-amerikane.
