Haki Isufi (Slatina), tre herë i dënuar, 30 vjet i burgosur

Diel, 06 Janar 2019 17:32

Nga Kastriot Dervishi

Me 30 vjet e 8 ditë burgim, Haki Isufi nga Slatina e Mokrës është në listën e personave që vuajtën më shumë heqjen e lirisë gjatë komunizmit. I lindur në vitin 1919, mundi të jetojë vetëm disa muaj i lirë në vitin 1954, për t’u burgosur sërish e për të dalë pas shumë vjetësh burgim. Vuajtje që fillojnë nga viti 1949 e përfundojnë në vitin 1980.

-Periudha e vuajtjes së burgimit:

1949-1953: 4 vjet

1954-1980: 26 vjet

-Mosha në fillim të dënimit: 30 vjeç

-Mosha në mbarim të dënimit: 61 vjeç

Dënimi i parë

Nëpunësi i kooperativës bujqësore të Çërravës u arrestua herën e parë më 2.1.1949 së bashku me shokun e tij Aqif Emin Hysenbegasi. Të dy kaluan kufirin më 4.12.1948 nëpërmjet fshatit Kalisht dhe pasi mbarojnë një vizitë në Strugë u kthyen. Akuzohet në bazë të dekretligjit nr.423 datë 16.04.1947, “Mbi lëshimin e pasaportave” dhe ligjit nr.372, datë 12.12.1946 “Për fajet kundër popullit e shtetit”. Gjykohet nga Gjykata Ushtarake e Korçës. Me vendimin nr.53, datë 24.9.1949 gjykata deklaroi fajtor duke e dënuar me 5 vjet burgim. Një vit më pak u dënua shoku i bashkëarratisjes . Lirohet nga burgimi në vitin 1953.

Dënimi i dytë

Haki Isufi u arrestua sërish, së bashku me vëllain Xhevit Isufi, dhe vëllezërit Hami Meta dhe Veiz Meta. Hakiu dhe vëllai u arrestuan më 13.9.1954, ndërsa dy të tjerët më 27.10.1954. U gjykua nga Kolegji i Gjykatës Speciale të Ministrisë së Punëve të Brendshme i përbërë nga gjeneral-major Delo Balili, gjeneral-major Zoi Themeli dhe kolonel Rexhep Kolli. Procesi i shkurtër u zhvillua në Drejtorinë e Punëve të Brendshme Tiranë. Vendimi ishte i shkurtër e i thatë. U akuzuan për tentativë arratisje pa u nisur drejt kufirit. Gjykata i deklaroi fajtorë në bazë të nenit 64/10 të Kodit Penal dhe Haki Isufin e dënoi me 25 vjet heqje lirie e punë të detyruar. Të tjerët u dënuan 20 dhe 15 vjet burgim .

Ridënimi

Duke vuajtur dënimin në vitin e 20 të vuajtjes, në Spaç, Haki Isufi u arrestua më 24.9.1974. U akuzua në bazë të nenit 73 të Kodit Penal për agjitacion e propagandë. Dy herë Gjykata Popullore e Rrethit Mirditë e ktheu çështjen si të paplotë, më 21.12.1974 dhe 27.2.1975 pasi nuk provoheshin akuzat. Gjatë zhvillimit të procesit, Haki Isufi tha se dëshmitari i parë tre herë kish bërë dëshmi të rreme, i dyti me të dhëna të mëvonshme dhe i treti kishte probleme mendore. Më në fund, me vendimin nr.45, datë 18.7.1975 vendosi dënimin me 9 vjet burgim.U lirua në vitin 1980 pas 26 vitesh burgim të pandërprerë.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...