1990/Demonstrata e heshtur e kryeqytetit

Hënë, 28 Janar 2019 17:55
Vendimi për fillimin e çështjes penale nga Hetuesia Vendimi për fillimin e çështjes penale nga Hetuesia

Nga Kastriot Dervishi

Më 28.1.1990 në Tiranë u zhvillua një demonstratë e heshtur në sheshin “Skënderbej”. Kjo ishte e para e zhvilluar në kryeqytet në vitin e trazuar 1990. U ndaluan 16 persona. U hap një dosje agjenturiale-operative nga organet e Sigurimit. Në përfundim u dënua vetëm 3 persona, për të cilët më parë kishte pasur materiale operative. Ata ishin Vasil Dhimitri, Zeqir Gollobanit dhe Faruk Picës, të cilët nuk kishin njohje me njëri-tjetrin. Aktakuza u formulua më 19.5.1990. Në aktakuzë midis të tjerash thuhet: “I pandehuri Vasil e kishte humbur me kohë besimin në vijën politike të partisë e të shtetit, ndërsa ngjarjet e ndodhura në Europën Lindore e nxitën atë për t’u hedhur në veprime konkrete. Në mjedise të përshtatshme i pandehuri herë pas here edhe më përpara ka folur kundër shtetit tonë socialist, duke thënë se nuk veproi drejt që nuk i hapi kufijtë për të dalë jashtë kush të dojë, pasi këtu është e vështirë të jetohet, ose shtetit duhet të lejeje fenë dhe shërbimin fetar që të falen njerëz sipas dëshirës, etj”. Vasil Dhimitri akuzohej se “në bashkëpunim” me dy personat e tjerë që nuk i njihte kishin konsumuar nenet 55/1 dhe 13 të Kodit Penal. Tre të akuzuarit u dërguan në gjykatë. Ndër të tjera prokurori i procesit deklaronte: “Këto të drejta mund të sigurohen vetëm në një rend politik që mbron interesat e masave punonjëse, që nuk njeh shfrytëzim të njeriut nga njeriu, që njeriu i thjeshtë i klasës gëzon personalitetin e tij në gjithë fushat, ku udhëheq deri në instancat më të larta njeriu i thjeshtë, njeriu i nderuar i punës. Këto të drejta, e punës, e arsimit, e strehimit, e shërbimit shëndetësor falas, paprekshmërinë e jetës dhe personit, janë siguruar dhe realizuar në jetën e përditshme. Te ne nuk ka papunësi në kuptim të mirëfilltë të fjalës, nuk ka ankthe për të jetuar, nuk ka pasiguri se te rendi dhe opinioni ynë shoqëror që i krijon dhe siguron një jetë të pastër dhe të shëndetshme, ku jeta mesatare e njeriut është mbi 70 vjeç, nga më të lartat në Europë, ku lindshmëria është nga më të lartat, ku mortaliteti është mjaft i ulët. Shoqëria jonë është e pastër nga ato plagë të pashërueshme të shoqërisë borgjeze, si kriza ekonomike, pasiguria, ankthi për të jetuar, degjenerimi moral në gjithë aspektet e tij, droga, shoqëritë mafioze, degjenerimi i rinisë në gjithë aspektet...”.

Me vendimin nr.285, datë 21.6.1990 Gjykata e Rrethit Tiranë, i deklaroi fajtorë të pandehurit në bazë të nenit 55/1 duke i dënuar si vijon:

-Vasil Qirjako Dhimitri, lindur më 1954 në Tiranë, mekanik remonti, 2 vjet burgim.

-Zeqir Isuf Gollbani, lindur më 1955 në Tiranë, mekanik, i papunë, 1 vit burgim

-Faruk Ymer Pica, lindur më 1958 në Tiranë, elektricist pranë uzinës “Dajti”, 9 muaj burgim.

U la në fuqi me vendimin nr.71, datë 30.7.1990 të Kolegjit Penal të Gjykatës së Lartë.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

220 të sëmurë aktivë, ja si është gjendja e pacientëve në spital

Aktualitet

220 të sëmurë aktivë, ja si është gjendja e pacientëve në spital

Prej dy ditësh numri i rasteve aktive me koronavirus në vendin tonë është rritur. Deri më tani numri i personave aktivë me koronavirus në vendin tonë është 220 raste, kryesisht...

Tragjike në Mamurras, gruaja e ish-boksierit gjendet e djegur në banesë (VIDEO)

Aktualitet

Tragjike në Mamurras, gruaja e ish-boksierit gjendet e djegur në banesë (VIDEO)

Një ngjarje tragjike ka ndodhur sot në Mamurras, ku një 69-vjeçare është gjetur e djegur në banesën e saj, ku jetonte e vetme. Gazetari Elidon Ndreka raporton për ‘BalkanWeb’ se viktima, Gjelina Hoti...

Dërguan afër 4 ton drogë nga Shqipëria në Itali, në pranga shqiptarë e italianë

Kronikë

Dërguan afër 4 ton drogë nga Shqipëria në Itali, në pranga shqiptarë e italianë

BRINDIZI / LECEGuardia Di Finanza e Brindizit në bashkëpunim me Antimafian Italiane të Leces kanë përfunduar me sukses sot në mëngjes operacionin e quajtur “San Silvestro 2018”, që ka cuar...

Sondazh

Nothing found!

Sondazh

Nothing found!