Nga Kastriot Dervishi

Përmasat me të cilën komunizmi i Shqipërisë dëmtoi çështjen kombëtare janë me të vërtetë e paimagjinueshme. Për këtë arsye shtrati enverist ende nuk është çrrënjosur në Kosovës apo Maqedoni. Përzierja e çështjes kombëtare me ideologjinë marksiste-leniniste sillte në mënyrë të pazgjidhshme futjen në një rrugë qorre të saj. Në vitet 70-80, në viset shqiptare në Jugosllavi, lulëzuan disa organizata e parti ilegale komuniste, duke pasur frymëzim figurën e Enver Hoxhës, kryeterroristit që i solli aq dëme Shqipërisë. Njëra nga këto parti ishte edhe Partia Marksiste-Leniniste e Shqiptarëve të Jugosllavisë. Besohet se partia u formua në vitin 1975.

Partia çështjen e shihte se rrugët revolucionare e për këtë arsye ndër dokumentet e para të saj ishte “Teoria dhe praktika e revolucionit”. Partia luftonte për një republikë të përbashkët të shqiptarëve të jetonin në Jugosllavi. Deri në vitin 1981 anëtarët e kësaj partie nuk njiheshin. Këtë kohë u vërtetua se organizator ishte Abdulla Llapashtica, ish punonjës i sigurimit shtetëror në Kuvendin e Komunës së Prishtinës. Nga mbarimi i vitit 1981 ky iku në Turqi. Partia vepronte nëpërmjet shpërndarjes së trakteve, parullave, letrave kërcënuese, etj. Partia nxori gazetat “Zëri i atdheut” dhe “Revolucioni” (shumë materiale i ka përgatitur Martin Quni).

Më 17.2.1982, Organizata Marksiste-Leniniste e Kosovës (OMKL), Lëvizja për Çlirimin e Kosovës dhe PKMLSHL formuan Lëvizjen për Republikën Socialiste të Shqiptarëve në Jugosllavi.

Disa anëtarë të PKMLSHL u dënuan me burgime 2-6 vjet shumica dhe individë të veçantë në 8, 10, 11, vjet burgim, për hir të së vërtetës, shumë më pak nga sa dënoheshin prej regjimit komunist në Shqipëri.

Më 11 mars 1981, në demonstrata e organizuara, u dëgjuan edhe thirrje si “Enver, Enver, jemi së bashku kurdoherë”, “Lavdi marksizëm-leninizmit”, “Kosova-republikë”, etj.

Lista e emrave të partisë që njiheshin në Tiranë:

1-Abdulla Prapashtica, përgjegjës politik, ish kuadër.

2-Osman Osmani, sekretar organizativ, studenti, njeri i ngritur, djali i hallës së A.Prapashticës.

3-Rexhep Maqedoni, sekretar operativ i partisë, b.p. i UDB-së, tani i veshur milic

4-Fatos Topalli, sekretari operativ i rinisë, 18 vjeçar, nipi i A.Prapashticës.

5-Kadri Cakiqi, i ngarkuar për Frontin

6-Osman Maqedonci, i ngarkuar për sindikatën

7-Skënder Ibishi, i ngarkuar për armatën, oficer akademik. Tani në Valevë

8-Hidajete Osmani, bija e Kadri Osmanit (i dënuar). Hidajetja tani është në burg.

9-Adem Prapashtica, i ngarkuar për ekonominë, kuadër

10-Fahrije Osmani, e ngarkuar për gruan, motra e Osman Osmanit

11-Nusret Ahmeti, i ngarkuar për propagandën, kuadër

12-Fatmir Sejdini, sekretar i rinisë në Prishtinë, jurist

13-Lutfi Maqedonci, kuadër i partisë

14-Agrona Ramadani, e rinisë, Ferizaj

15-Lumnie Azemi, e rinisë, Ferizaj

16-Nesret Njaziu, e rinisë Ferizaj

17-Fatmir Bajrami, i rinisë Ferizaj

18-Fatmir Rudi, i rinisë Ferizaj

19-Afrim Abazi, i rinisë Ferizaj (në burg)

20-Isak Begeshi, i rinisë Ferizaj

21-Naim Terrtena, i rinisë Ferizaj, dënuar pas demonstratave

22-Neim Ramadani, i rinisë Ferizaj

23-Fail ..... , i rinisë Ferizaj

24-Kadri Topalli, i rinisë Ferizaj, motra e Fatonit

25-Ruzhdi Shkodrani, i rinisë

26-Hysen Hyseni, i rinisë Kaçanik, ka qenë në Shqipëri

27-Martin Quni, gazetar i RTP, i OMLK.

28-Asllan Fani, lidhje e OMLK

29-Adem Dervisholli, kuadër, por i larguar

30-Nezmie Prapashtica (Sula), studente, bashkëshortja e A.Prapashticës, kandidate partie.

31-Ibrahim Ferizi, i lidhur me Nazmi Prapashticën, nga Mitrovica

32-Sefedin Selimi, lidhje e Nazmije Prapashticës, rajoni Mitrovicë

33-Ismail Dumoshi, mendohet i lidhur me organizatat ilegale

Një listë rezervë do përdorej në rast nevoje.