Muzafer Asqeriu kallëzoi shokët e tij komunistë

Diel, 17 November 2019 18:09
Faksimile e diskutimeve të Byrosë Politike më 17.11.1969 Faksimile e diskutimeve të Byrosë Politike më 17.11.1969

Nga Kastriot Dervishi

Byroja Politike në diskutimin e datës 17.11.1969 është ndalur gjatë për të diskutuar në duhej dekoruar apo jo pas vdekjes një ndër komunistët e parë, Muzafer Asqeriu. Sillen fakte se kish kallëzuar shokët komunistë në gjyqin ndaj tyre në vitet 1938-1939. Në fund vendoset t’i jepet për procedurë, sepse duhej ashtu.

***

Debati në Byronë Politike më 17.11.1969

Rita Marko: Unë kam lexuar procesverbalin e gjyqit kundër komunistëve të vitit 1938 dhe del se Muzaferi ka denoncuar shokët, kurse shokët e tjerë si Qemal Stafa e Sadik Bekteshi nuk kanë treguar.

Haki Toska: Por, po në atë kohë nuk është ky që ka treguar.

Mehmet Shehu: Ne duhet të kemi kujdes, se t’i bëjmë heronj njerëzit që kanë treguar shokët para gjyqit, nuk do ishte e drejtë.

Enver Hoxha: Ashtu është, nuk është e drejtë ta bëjmë hero, se fundja rrethi i Gjirokastrës ka edhe plot të tjerë që po u japim këtë titull.

Haki Toska: duhet të kemi parasysh se më pas Myzaferi ka luftuar shumë mirë.

Rita Marko: Unë flas vetëm për dokumentet historike që janë gjetur, ndërsa gjatë luftës nuk e kam njohur.

Abdyl Këllezi: Një pjesë e komunistëve në atë kohë e konsideronin si një gjë të mirë kur tregonin shokët. Këtë e bënin për të provuar shokët se sa mund të rezistonin para armikut.

***

Vrasja e Muzafer Asqeriut në dokumente

Në njoftimin e Drejtorisë së Përgjithshme të Policisë (nënshkruar nga drejtori Teodor Stamati), datë 25.7.1942, thuhej se sipas informacionit të Kuesturës së Gjirokastrës, më 20.7.1942 në Fushën e Goricës në Gjirokastër disa persona të armatosur kishin hedhur bomba ndaj ushtarakëve të armës së Sofratikës, duke shkaktuar një konflikt zjarri. Nga shkëmbimi i zjarrit mbeti i vrarë “komunisti i famshëm” Muzafer Asqeriu nga Gjirokastra, banues në Porto Eda (Sarandë) dhe ishin arrestuar Vili Beqiri dhe Pertef Saido. Ishin sekuestruar 9 bomba dore, një revolver dhe 209 fishekë pushke. I vrari zotëronte një letërnjoftim fals dhe 300 franga shqiptare.  Ushtarakët mbetën të paprekur.

Në botimin “Heronj të luftës antifashiste nacionalçlirimtare”, Tiranë 1986, botim i Drejtorisë së Përgjithshme të Arkivave të Shtetit, faqe 373-384, informacioni jepet pjesërisht. Në botimin e brendshëm, dokumentet janë vënë të plota. Ndërsa në librin “Yje të pashuar”, volumi 1, faqe 47-51, nuk thuhet asgjë për t’u cituar, por vetëm fjalë të përgjithshme e letrarizma.

Login to post comments

Lajmet e fundit

Digjet një tjetër makinë në tunelin e rrugës Tiranë-Elbasan

Kronikë

Digjet një tjetër makinë në tunelin e rrugës Tiranë-Elbasan

Një automjet tip “Benz-Mercedes” është djegur mesditën e sotme në hyrje të tunelit të Krrabës.   Fatmirësisht, drejtuesi dhe udhëtarët s’kanë pësuar dëmtime. Në vendngjarje kanë shkuar forca zjarrfikëse dhe ambulanca. Si pasojë është...

Oscars 2024/ Emma Stone shpallet aktorja më e mirë

Globi

Oscars 2024/ Emma Stone shpallet aktorja më e mirë

Emma Stone pranoi Oscar-in e saj të dytë të dielën në 96-vjetorin e Çmimeve të Akademisë. Performanca e Stone si Bella Baxter në filmin e vlerësuar nga kritikët “Poor Things” i ka...

U plagos pak më parë në qendër të Fierit, ndërron jetë në spital 19-vjeçari

Kronikë

U plagos pak më parë në qendër të Fierit, ndërron jetë në spital 19-vjeçari

Një konflikt ka ndodhur pak minuta më parë në qendër te qytetit te Fierit.  Disa persona janë grindur mes tyre dhe pasi debati ka agravuar në përleshje fizike një prej tyre...