1946/Trakt antikomunist i hedhur në Elbasan

E mërkurë, 29 July 2020 18:58

Pjesë nga trakti

Këtë politikë të qelbur e pamë tani në praktikë me statutin (kushtetuta e vitit 1946-shënim) grabitqar që bëri rrobeli Enver Hoxha, ushqyer për sevap nga Ibrahim Biçaku, me Koçi teneqexhiun, me Sulë ferexhenë (Spahiu, sepse gjatë luftës fshihej me ferexhe si grua-shënim) e Elbasanit, e shokët, duke trumbetuar sa me gazeta, me radios e diskutime të ashtuquajtura se ky statut siguron të drejtat e çdo shqiptari, siguron dhe nuk cenon pasuritë private, etj dhe e bëri Shqipërinë demokratike.

Robeli Enver Hoxha ose më mirë me thënë i shituri i Moskës me shokë, kujtuan se populli akoma është në gjumë dhe nuk i kupton dhe me dekrete mbi dekrete, urdhëresa mbi urdhëresa, cenoi e zaptoi krejt pasuritë private, bile pa shpërblim, si duket çuan në vend fjalën që i patën premtuar popullit të varfër se do t’i bëjnë të gjithë njësoj, si sportistët e Spartakut me gjysmë këpucë e rrobe të grisura.

S’patën fare turp rrëmbyen krejt arin me tatimet e jashtëzakonshme të luftës dhe e dërguan te ustai mustaqe Stalini, që kapte shumë 280.000 napolona ar...Askush nuk ka më shumë se 50 napolona fazlla. Bujkut ia rrëmbyen tokën e mirë dhe i bënë shtetërore, formoi kooperativat, ndaloi shitjen e lirë e atëherë fitoi bujku?

Vëllezër të dashur, e shihni që të gjithë me sytë tuaj se ç’ngjau deri sot. Mbetët rrugëve. Nëse jeni tregtarë dyqanet tuaja u plaçkitën, mbetën raftet bosh. Nëse jeni pronar, pronat tuaja u rekuizuan. Në rast se jeni tregtarë të vegjël shëtitës, për jua a mbeti gjë se domatet i shet kooperativa. Nëse jeni punëtorë duhet të punosh njëherë vullnetarisht e pastaj të hash një copë bukë e të veshës një palë lecka si ato të Spartakut, por tani ruhuni se mos rekuizoheni dhe juve për frontin grek e aleat, pardon më falni se ju kanë mbet dhe shtëpitë akoma, nuk janë rekuizuar e do të punonin për baba Stalinin e komunizmin grabitës. Ju këshillojmë mos rrini në gjumë, shihni se ç’bëhet nga jashtë e brenda, lufta është në pragun e derës, ushtarë shqiptarë, dita-ditës kalojnë kufirin. Nacionalistë të ndershëm kanë dalë maleve. Bashkohuni dhe jepni dorën njëri-tjetrit se mbërriti dita e çlirimit.

Nacionalistët

Zhdukje komunizmit

Çlirimi i njerëzimit

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Korçë, varfëri ulëritëse/ DENONCIMI i koordinatorit të LSI: Babëzia e rilindjes nuk njeh kufij

Politikë

Korçë, varfëri ulëritëse/ DENONCIMI i koordinatorit të LSI: Babëzia e rilindjes nuk njeh kufij

  Nga Petrika MELE, koordinator i LSI-Korçë Varfëri ulëritëse dhe infrastrukturë mesjetare vetëm 1 km larg Korçës! Ujrat e zeza dhe mbetjet urbane janë makthi i përditshëm i banorëve. Mungesa e ujit të pijshëm...

Korce/Braimllari:Banorët pa ujë e pa rrugë nga qeverisja klienteliste e Ramës

Politikë

Korce/Braimllari:Banorët pa ujë e pa rrugë nga qeverisja klienteliste e Ramës

  Sekretari i Përgjithshëm i LSI-së, Endrit Braimllari prej disa ditësh është zhvendosur në Korçë, sipas së cilit është braktisur nga qeveria, nga ku denoncon problemet e shumta që hasin banorët. Këtë...

Caka: Efekti domino i korrupsionit të Rilindjes, mijëra qytetarë pa punë

Politikë

Caka: Efekti domino i korrupsionit të Rilindjes, mijëra qytetarë pa punë

  Ish-deputetja e LSI-së, Silva Caka, ka komentuar një raport nga Zëri i Amerikës, i cili analizon tre krizat me të cilat po përballet vendi. Sipas saj, korrupsioni i qeveria ”Rama”...