Gjykatësit ushtarakë
Deri në vitin 1963, ato që quheshin “krime kundër shtetit” i trajtonin vetëm gjykatat ushtarake. Madje deri në vitin 1951 kishim edhe Gjykatën e Lartë Ushtarake. Këta që shihni në foto, nga e majta në të djathtë janë: kapiten I Nexhat Hysen Sulejmani, major Niko Ceta dhe kapiten II Mustafa Iljazi, të cilët përbënin këshillin e Gjykatës së Lartë Ushtarake në procesin ndaj grupit të parë të deputetëve, në kuadër të proceseve ndaj mbi 100 të arrestuarve “tekniko-intelektualë”. Të gjithë gjykatësit ishin për të qarë hallin pasi nuk kishin fare lidhje me drejtësinë. Ceta ishte me profesion furrxhi. Nuk ngeli zanatçi e bujk pa gjykuar e dënuar inteligjencien e kohës.
