Së shpejti do të mësojmë më shumë për zbulimet e fundit në Mars nga Nasa, pasi kjo e fundit pritet të dalë në një konferencë për shtyp gjatë javës.

Në fakt disa detaje kanë dalë për këtë lajmërim të ri misterioz, që do të bëhet të enjten, më 7 qershor.

Vetë NASA është mjaft e heshtur për atë që ka zbuluar për planetin e kuq, por konfirmohet se ka të bëjë me “rezultatet e reja shkencore nga roveri i Nasa’s Mars Curiosity”.

Curiosity u ndërtua për të mbledhur prova nëse në planetin e kuq ka jetë, ka pasur ujë, dhe studion gjeologjinë dhe klimën e Marsit. Ndoshta “rezultatet e reja shkencore” nga Curiosity lidhen me jetën marsiane.