Këngëtarja e njohur botërisht Tina Turner ka marrë një lajm tronditës, atë të vdekjes së djalit të saj të madh.

Craig Raymond Turner, 59 vjeç, u gjet i vdekur mbrëmjen e kësaj të marte, në banesën e tij në Studio City, të California, SHBA.

Sipas raportimeve të mediave amerikane, djali i Tina Turner i ka dhënë fund jetës, duke u qëlluar me plumb pistolete në kokë. Lidhur me vdekjen e Craig nuk ka asnjë qëndrim zyrtar, por paraprakisht flitet për vetëvrasje me armë zjarri. Edhe vetë këngëtarja 78- vjeçare tashmë, nuk ka reaguar për ngjarjen tronditëse të vdekjes së të birit.