Të paktën tre persona janë vrarë dhe shtatë të tjerë janë plagosur pas të shtënave me armë zjarri në New Orleans.
Ngjarja ndodhi të shtunën në mbrëmje dhe tre persona raportohet se vdiqën në vendngjarje.
Të plagosurit u dërguan në dy spitale për t'u trajtuar për plagët e marra, ndërsa njëri prej tyre është në gjendje të rëndë për jetën.
“Nuk ka vend në New Orleans për këtë lloj dhune”, tha kryebashkiaku në faqen zyrtare të “Twitter”.
Autoritetet amerikane nuk kanë dhënë më shumë detaje mbi këtë incident të armatosur.
