Një 33-vjeçar nga Britania e Madhe ka vendosur rekordin më të ri të qëndrimit në ujë. Ros Edgley arriti të notonte 1780 milje përreth Britanisë së Madhe. Edgley u nis më 1 Korrik nga Kentowni dhe për 155 ditë nuk ka prekur tokën, duke notuar gati 12 orë në ditë.
Në miljen e fundit, përpara se të arrinte në Margate, 33-vjeçari u arrit nga 300 notarë të tjerë. Gjatë rrugës së tij, Edgley u përball me shumë sfida, si uji i ftohtë, stuhitë dhe kandilat e detit. Pasi mbërriti në breg, ai shfaqi probleme të theksuara me shpatullën dhe gjuhën, e cila ishte dëmtuar për shkak të qëndrimit në ujë të kripur për një kohë të gjatë.
Megjithatë 33-vjeçari është shprehur për BBC se ishte gati për sfida të tjera, ndërsa shtoi se do t’i duhej pak kohë për t’u mësuar me ecjen. Edgley është aktualisht në librin Guinness, pasi ngjiti një lartësi të barabartë sa mali Everest për 19 orë, në Prill të 2016-ës.
