SHBA stërvitje ushtarake në Mesdhe, mesazh i forte drejt Rusisë

E mërkurë, 24 Prill 2019 18:59

Media prestigjoze botërore CNN raporton se Shtetet e Bashkuara të Amerikës kanë nisur përgatitje ushtarake në Mesdhe, ku kanë demonstruar fuqinë ushtarake. Stërvitja ushtarake amerikane në Detin Mesdhe është një shenjë paralajmërimi për Rusinë, shtet i cili po kërcënon gjithmonë e më shumë vende europiane, që tashmë janë pjesë e NATO-s.

Për herë të parë që nga viti 2016, Shtetet e Bashkuara po vendosin dy bartës të avionëve të klasit Nimitz, USS John C. Stennis dhe USS Abraham Lincoln, duke i treguar Moskës se “nuk mund të luhet në asnjë rast me fuqinë ushtarake amerikane”.

“Ne nuk do të pengohemi nga ndonjë kundërshtar i mundshëm dhe ne do të mbështesim interesat tona si amerikane, ashtu edhe të aleatëve, ndërsa patrullojmë ushtarakisht thuajse në mbarë botën”, tha admiral James Foggo, komandanti i Forcave Detare të SHBA në Evropë dhe Afrikë.

CNN sjell pamje ekskluzive të stërvitjes ushtarake amerikane. Ushtria e SHBA-ve është ndarë në dy grupe të mëdha dhe secila palë ka në dispozicion të saj disa anije dhe deri në 120 avionë secila. Njëri grup ka në dispozicion bartës avioni, një kryqëzor me raketa, dy shkatërrues, dhe një anije furnizimi për mbështetje logjistike.

“Ky koordinim është jashtëzakonisht i rëndësishëm pasi dominimi ushtarak i SHBA-së në botë po sfidohet gjithnjë e më shumë nga fuqitë e rilindura si Rusia dhe Kina”, tha admiral John Uade. Ai shtoi se dëshiron dhe besoj se do ia arrijë që marina amerikane të bëhet më vdekjeprurëse dhe më e aftë në aspektin taktik. Ushtarakët amerikanë thanë se janë në Mesdhe, edhe në shenjë diplomacie, të fuqisë amerikane, e cila “nuk mund të mposhtet”.

Rusia gjithnjë e më shumë po shpërndan forcat e saj në shumë vende ku ka konflikte diplomatike me Shtetet e Bashkuara. Në Siri, Moska mban një prani të madhe ushtarake dhe është afër nënshkrimit të një qiraje afatgjatë për portin e Tartousit, ku forcat e saj detare tashmë janë të vendosura. Në Detin e Zi, marina ruse ka “pushtuar” ndjeshëm portin e Sevastopolit në Krime.

Shtetet e Bashkuara dhe aleatët e saj thonë se Rusia është duke u bërë më e guximshme dhe duke forcuar praninë e saj në Atlantik dhe Arktik.

Modifikuar më E mërkurë, 24 Prill 2019 19:53

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Sulmi me armë në Tushemisht,ish-deputeti i PD:Biznesi i terrorizuar, Rama po kthen Pogradecin nga qyteti i Lasgushit, në qytetin e kamorrave

Politikë

Sulmi me armë në Tushemisht,ish-deputeti i PD:Biznesi i terrorizuar, Rama po kthen Pogradecin nga qyteti i Lasgushit, në qytetin e kamorrave

  Ish-deputeti i PD Klevis Balliu ka reaguar në lidhje me ngjarjen e ndodhur sot në Tushemisht ku u sulmua me armë një hotel.Ish-deputeti Klevis Balliu deklaroi nga Pogradeci se biznesi...

Tritan Shehu:Qeveria vazhdon te bllokoje laboratoret per aresye te “erta”!

Politikë

Tritan Shehu:Qeveria vazhdon te bllokoje laboratoret per aresye te “erta”!

Qeveria vazhdon te bllokoje laboratoret per aresye te “erta”!Cuditerisht mbas vendimit te “clirimit” te laboratoreve nga pengesat anti shkencore e ndesh me te drejtat e qytetareve per testimet Covid“, vendosen...

I intubuar dhe në gjendje kritike tek Infektivi, artisti ka nevojë urgjente për gjak

Politikë

I intubuar dhe në gjendje kritike tek Infektivi, artisti ka nevojë urgjente për gjak

  Artisti Arben Bajo ka nevojë urgjente për gjak të grupit A negativ të dikujt që ka kaluar koronavirusin. 53-vjeçari Bajo ndodhet në gjendje të rëndë shëndetësore në spital dhe i intubuar...