Qyteti gjerman i Dresdenit ka shpallur një ‘emergjencë naziste’ pas viteve të aktivitetit ekstremist të krahut të djathtë në qytet, tha një këshilltar lokal.

Këshilltarët e qytetit të Dresdenit këtë javë kaluan një rezolutë duke paralajmëruar se ekstremi i djathtë po rritet me forcë në qytetin lindor të Gjermanisë.

‘Fjala ‘Nazinotstand’ është një formulim i ekzagjeruar për faktin se ekziston një problem serioz, i ngjashëm me urgjencën e klimës, me ekstremizmin e krahut të djathtë deri në mes të shoqërisë,’ tha Max Aschenbach, këshilltar për ‘Die Partei’.

Aschenbach, i cili paraqiti mocionin, i tha ‘CNN’ se lëvizja ishte simbolike dhe nuk do të kishte pasoja juridike, por shërbeu për të nxjerrë në pah kërcënimin e paraqitur nga ekstremi i djathtë në Dresden.

Dresden është vendi ku lëvizja ‘PEGIDA’ (Evropianët patriotë kundër islamizimit të perëndimit) u shfaq së pari në 2013 dhe mitingje të rregullta mbahen ende në qytet.

Alternativa për Gjermaninë (AfD) fitoi 27.5% të votave në zgjedhjet shtetërore të këtij viti.

AfD u bë partia e parë e ekstremit të djathtë që hyri në parlamentin kombëtar të Gjermanisë në pothuajse 60 vjet.