Një çift, që kanë mes tyre 22 vite diferencë, thonë se u pëlqen kur njerëzit i shohin të habitur.

23-vjeçarja Katie Robinson dhe 45-vjeçari Chris Hodson, u njohën në një faqe në internet dhe e kishin lënë që të shkonin vetëm një herë bashkë.

Por, gjërat morën një rrjedhë tjetër.

Dyshja ranë në dashuri dhe pas dy muajsh nisën një marrëdhënie bashkë ndërsa thonë se janë më të bashkuar se kurrë. Ata janë njohur tre vite më parë, ndërsa babai i Katie kishte vetëm dy muaj që kishte ndërruar jetë.

Pas kësaj, Chris thotë se kujdeset për të dashurën e tij si partner, por edhe si baba.

23-vjeçarja thotë se atyre u pëlqen shumë kur njerëzit në rrugë i shohin të habitur dhe se diferenca e tyre e moshës i ka bërë më të fortë.