Presidenti i Ukrainës po kërkon "veprim të menjëhershëm" nga bota mes sulmeve ruse në centralin më të madh bërthamor të Evropës.

“Centrali më e madhe bërthamore në Evropë është në zjarr tani”, tha Volodymyr Zelensky në një video të postuar në Twitter.

Ai akuzoi rusët se qëllimisht qëlluan në gjashtë reaktorët e uzinës Zaporizhzhia duke përdorur tanke të pajisur me imazhe termike.

Duke evokuar "katastrofën globale" në Çernobil në 1986, ai paralajmëroi se pasojat e një shkrirjeje në Zaporizhzhia do të ishin shumë më të këqija.

"Evropianë, zgjohuni ju lutem. Thuajuni politikanëve tuaj se forcat ruse po qëllojnë në centralin bërthamor në Ukrainë," u lut ai.

Zelensky tha se ai kishte qenë në kontakt me liderët nga SHBA, Britania e Madhe, BE, Gjermania dhe Polonia, si dhe Agjencia Ndërkombëtare e Energjisë Atomike, por u bëri thirrje qytetarëve të zakonshëm që të ngrenë alarmin edhe me politikanët e tyre