Forcat e armatosura izraelite kanë vrarë sot 52 palestinezë gjatë protestave në Gaza si dhe kanë plagosur më shumë se 2400 të tjerë.

Mes të plagosurve është edhe gazetari i Al Jazeera, Wael Dahdouh, të cilin e kanë zënë plumbat gjatë raportimit nga terreni.

Pjesa më e madhe e të vrarëve nga ushtria izraelite janë djem të rinj, nga mosha 14 deri në 35 vjeç.

Protestat nisën sot gjatë inagurimit të ambasadës amerikane në Jerusalem, por ushtria izraelite u përgjigj ashpër.

Organizata e të drejtave të njeriut në OKB ka bërë thirrje të ndalohen menjëherë të shtënat me armë në drejtim të protestuesve palestinezë.

Kryeministrja britanike Theresa May është shprehur e shqetësuar dhe ka thënë se po monitoron zhvillimet.

“Jemi të shqetësuar për atë që po ndodh në Gaza. Bëjmë thirrje për qetësim të situatës. Kjo nuk i ndihmon aspak paqes. Britania e Madhe mbetet e vendosur për zgjidhjen dy-shtete me Jerusalemin si kryeqytet të përbashkët”, tha zëdhënësja e May.