Pas tërheqjes së SHBA-së në përpjekje për të shpëtuar marrëveshjen bërthamore të vitit 2015, diplomatë të lartë nga Irani takohen sot në Vjenë me përfaqësues të Britanisë, Francës, Gjermanisë, Rusisë dhe Kinës

Udhëheqësit iranianë janë shprehur se pavarësisht sanksioneve amerikane nuk do të tërhiqen nga marrëveshja nëse 5 superfuqitë  i sigurojnë shtetit të tyre të bëjë biznes me botën.

“Nuk do të jetë e lehtë, por do të përpiqemi”, tha zëvendësministri i Jashtëm iranian, Abbas Araqchi.

Me marrëveshjen bërthamore, Irani është pajtuar të frenojë aktivitetin e tij bërthamor në këmbim të lehtësimit të sanksioneve ndërkombëtare.

Por, SHBA është tërhequr nga marrëveshja dhe është zotuar se do ta godasë Iranin me “sanksionet më të fuqishme në histori” nëse ai nuk pajtohet t’i frenojë më shumë aktivitetet e tij bërthamore, t’i japë fund programit me raketa balistike dhe të ndalojë ndërhyrjet ushtarake në Siri dhe në Jemen.