Gjithmonë është besuar se njerëzit që mbajnë syze janë më të zgjuar, se pjesa tjetër.

Por tashmë nuk është vetëm një besim, pasi edhe studimet e konfirmojnë këtë gjë.

Nga një studimi i realizuar nga Universiteti i Edinburg në Britani i cili zbuloi lidhje të ngushta mes inteligjencës dhe shikimit të ulët.

Në këtë studim u morën të dhënat gjenetike të rreth 300 mijë personave nga mosha 16 deri në 102 vjeç.

Personat e përzgjedhur u përfshinë në teste të ndryshme të të menduarit të cilat treguan edhe rezultatet e mëposhtme.

Ata që arritën rezultatet më të larta në testime kishin 30% më shumë nevojë për syze krahasuar me ata që morën rezultatet më të dobëta.

Studimi po ashtu tregoi se ka lidhje të forta mes inteligjencës dhe gjeneve që luajnë një rol të rëndësishëm në shëndetin kardiovaskular.

Ekipi i kërkuesve arriti në përfundimin se plot 148 gjene janë të lidhura me aftësinë për të menduar duke përfshirë kujtesën, arsyen dhe përqendrimin.