Editorial/Amaneti i gushtit: Nuk durohet më…

Saturday, 01 September 2018 13:50

 Nga Ilir Nikolla

Nisja e sezonit të ri politik ka pritshmëri të larta, por përpara se partitë politike të këndellen në atmosferën parlamentare, mirë është t’i hedhim një sy gushtit dhe përgjigjeve që ai i ka ofruar publikut. Në gusht, patëm një numër të jashtëzakonshëm vrasjesh, si dhe një ministër të brendshëm që thoshte se gjërat kanë shkuar mirë, pasi mund të kishin shkuar edhe më keq, patëm një kryeministër që nisi një udhëtim nëpër Shqipëri në kërkim të buzëqeshjeve që do t’i rrisin ardhjet turistike në vitet e ardhshme, por mbi të gjitha patëm një bjerrje fatale të qeverimit. Tendera pa fund po bëhen ditën për diell, pa garë, për baxhanakun e kryeministrit, për mikun e kryeministrit që jep makina me qira me çmim më të shtrenjtë sesa po të bliheshin të reja, patëm leje ndërtimi me një ritëm marramendës, ku 72 përqind janë për betonizimin e mëtejmë të Tiranës…dhe qershia mbi tortë, patëm konfirimin se Edi Rama ka tentuar të vendosë nën kontroll edhe Gjykatën e Strasburgut.

Krejt këtë atmosferë ku qeveriset virtualisht dhe vidhet me goditje të përqendruar e nxori gushti, me sinqeritetin e tij, me politikanët që s’e kanë shumë mendjen dhe bëhen edhe më arrogantë në ditët e plazhit, me emigrantët që vijnë në Shqipëri për t’u dhënë një shkundje në realitet të mbeturve të tulatur brenda kufijve, si dhe me mediat që punuan në gjysëm kapaciteti dhe s’e patën shumë të fortë kontrollin mbi censurën e zakonshme. 

Gushti na tha se Shqipëria nuk qeveriset më, pasi Edi Ramës i ka plasur cipa e qeverimit, po nxiton të xhirojë çka mbetur nga pasuritë natyrore të shqiptarëve drejt oligarkëve dhe ç’është më rrënuesja, drejt familjarëve të tij. Aq jashtë realitetit është ky qeverim, se po aventurohet jo veç në tjetërsimin e pasurive natyrore, por edhe në shitje të mirëfilltë territori e pasurish, ja drejt Serbisë, ja drejt Greqisë.

Gushti na përcolli një situatë të vështirë ekonomike dhe parashikimi është që ritmet e rritjes ekonomike të bien, për shkak se drogimi i statistikave me shitjen e energjisë elektrike do të marrë fund. Banka Botërore ngre alarmin se gati gjysma e shqiptarëve jetojnë në pragun e varfërisë dhe me rritjen e parë të taksave apo të çmimeve rrezikojnë të zbresin nën nivelin zyrtar të varfërisë, pra në pragun e urisë.

Tashmë stina e re politike po fillon, por nga gushti na vjen një amanet, na vjen amaneti që “status-quo”-ja të ndryshojë me patjetër, pasi nëse vazhdohet në këtë kënetë, do të kemi vetëm më shumë të varfër, më shumë të ikur, më shumë viktima të krimit dhe një numër më të lartë baxhanakësh të kryeministrit që grabisin paratë e taksapaguesve.

Ndryshimi i “status-quo”-së është amaneti që gushti antituristik i shqiptarëve i lë sezonit të ri politik.

 
Modifikuar më Saturday, 01 September 2018 19:53
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...