Rezulton se Autoriteti Rrugor Shqiptar nuk ka ndërmarrë kurrfarë studimi për rehabilitimin e zgjerimin e unazës së re. Sikur të ishin fare diletantë, kanë bërë një punë po aq sa ç’mund ta bëjë një fëmijë përpara kompjuterit. Përveç të tjerave banorët e unazës së re kanë të drejtë të kundërshtojnë një vepër që nuk ka projekt zyrtar.
Një studim i mirëfilltë, kërkon harta, njohjen e gjendjes në terren dhe koordinimin e çdo të dhëne tjetër nga institucionet shtetërore. ARRSH-ja nuk ka bërë gjë tjetër veçse ka pikturuar mbi pamjet e google-s që ofrohen falas për të gjithë. Nuk vjen fare era shtet, por një vijë e hequr mbi një pamje satelitore e trajtuar në mënyrë krejt mekanike. Këtyre pamjeve, i kanë futur edhe një vulë shtetërore.
Pamjet e google-s mund të jenë ndihmëse, por kurrsesi nuk përbëjnë një dokument me vlerë ligjore. Shtet i papërgjegjshëm.
