Pak ditë më parë deklarata zyrtare e Ambasadës së Shteteve të Bashkuara të Amerikës, riktheu me të drejtë në skenën e politikës të drejtësisë dhe të medias çështjen e ish-ministrit Saimir Tahiri.
Kjo nuk është një çështje e një personi ish-ministër i brendshëm. Kjo është çështje që në radhë të parë që i përket hetimit të thellë për një sistem të tërë që ngriti ardhja në pushtet e këtij sekti të rrezikshëm me emrin Rilindje. Raporti që ky sekt krijoi me krimin e organizuar është i suksesshëm si kurrë më parë në të gjitha vitet e trazicionit.
Njeriu dhe arkitekti ishte dhe mbetet Edi Rama . Por vënia në jetë e të gjithë trafikut të kokainës, heroinës , kthimit të Shqipërisë në Republike të Kanabisit dhe mbështetjes që krimi i organizuar mori në këtë trafik, ishte Saimir Tahiri.
Saimir Tahiri mbrohet nga Rama jo si ish-deputet , apo bashkëpunëtor i tij. Saimir Tahiri është në të vërtetë kutia e zezë e Edi Ramës. Çdo material dosje video që ai zotëron është një kërcënim për Edi Ramen. Sa herë që Saimir Tahiri ka folur apo ka kërcënuar, ose nuk është arrestuar ose i është kthyer pasaporta mbrapsht, ose ka njoftuar për konferencë për shtyp dhe me vonë është larguar Fatmir Xhafa etj.
Segmente të caktuara të shërbimeve serioze të inteligjencës këtë e dinë. E dinë mirë dhe të dhënat janë aty faktet janë aty po aq serioze e kokëforta. Rama nuk mbron Tahirin, por vetëm veten. Por me sa duket po afron afati kur avioni i Rilindjes bie dhe duhet të hapet kutia e zezë për të parë se çfarë ka ndodhur në të vërtetë.