Sandër Lleshaj e ka hallin te tenderi i uniformave, te një tender i dyshimtë që do të thotë 30 milion dollarë, shumë ku ai mund të përfitojë ca para. Ndërkohë që situata në Shqipëri është ajo e një vendi lufte, ku në lajme nuk kalojnë 48 orë pa dëgjuar një vrasje , një pritë , një tentativë vrasjeje, apo edhe grabitje bankash e banokomatesh.
Një pjesë të llokmës po e synon edhe sekretari i ri i Përgjithshëm, Plarent Ndreca. I njohur për vjedhjet me qindra miliona lekë në Ministrinë e arsimit. Referuar dëmeve të mëdha ekonomike-financiare, që Plarent Ndreca ka bërë ndaj arkës së shtetit, KLSH e ka kallëzuar penalisht me prova mbi abuzimin me 108 milionë lekë të reja (771 mijë euro), bllokim të kuotave, për doktoraturat në universitetet publike dhe kalimin e tyre të paligjshëm, me humbje totale 5.6 milionë euro në vit, për arkat e universiteteve shtetërore.
Sot, njëri ministër i gazi e tjetri gaz i botës, e kanë harruar detyrën dhe po merren me tenderin 30 milionë dollarë të uniformave të policisë.
Fakt është që ky tender i Policisë se Shtetit me vlere 30 milion dollarë, ka 4 vjet rresht qe dështon dhe anulohet nga viti ne vit, pasi grupi i strukturuar në Ministrinë e Brendshme nuk arrin te kualifikoje operatorin e favorizuar ekonomik i cili është jo vetëm është i paafte te kualifikohet, por prej katër vitesh jep në këtë tender me ofertën me të larte. Nga ana tjetër, sistematikisht, operatoret e tjerë te cilët japin ofertën me te ulet ekonomike s’kualifikohen me argumente te pambështetura ne dokumentet standarde te tenderit.