“FUKARALLËK-MASKARALLËKU” S’KA PËR T’JA GARANTUAR “MBRETIT” QETËSINË

E Enjte, 19 December 2019 09:57

Nga Ilir Nikolla

Fukarallëk - maskarallëk. Kjo është trashëgimia filozofike që trojet e Arbërit morën nga Perandoria Osmane. Fukarrallëk-maskarallëk, domethënë se rrënimi ekonomik dhe uria kanë lidhje të drejtpërdrejtë me dinjitetin e njeriut. Pra, s’ishte më si dikur, në kodin zakonor shqiptar, nga veriu në jug, kur secili kishte dinjitetin e vet dhe ulej i barabartë në sofër me të tjerët, pavarësisht kamjes. Me Perandorinë Osmane e më pas me diktaturën komuniste, standardet morale dhe të drejtat e njeriut u kthyen në një monedhë shkëmbimi për pak më shumë bukë, për pak më tepër karrierë e tash së fundi edhe për pak më shumë mbrojtje nga dhuna e shtetit apo dhuna e krimit të organizuar.
Fraza “fukarallëk-maskarallëk” merr edhe më fort kuptim nga zhvillimet e ditëve të fundit, kur Edi Rama, megjithë protestat e gazetarëve, politikës dhe faktorit ndërkombëtar, miratoi ligjin anti-shpifje, më saktë ligjin që vendos censurën dhe autocensurën në media. Rama premtoi solemnisht se vetë s’do ta përdorte mekanizmin e AMA-s për të mbyllur mediat, pasi punët e tij do t’i zgjidhte me gjykatë, por mendonte se AMA mund të përdorej nga njerëzit e thjeshtë, për t’u mbrojtur nga keqbërja e medias. Me fjalë të tjera, Rama s’do ta përdorte median, por njeriu i thjeshtë Elisa Spiropali mund t’i mbyllte mediat me urdhër administrativ, nëse do të ndihej moralisht e cenuar, ashtu siç duhej të kishte ndodhur më herët edhe me vajzën e gruas së kryeministrit, e cila jo vetëm e fitoi gjyqin me 7 portale, por paraprakisht këto portale do të duhej të ishin mbyllur, nëse ky ligj do të kishte hyrë në fuqi. Për njerëzit e thjeshtë e do mekanizmin e censurës Rama, pasi për vete ndihet i fortë me gjykatat e vjetra e me gjykatat e reja.
Kjo tredhje e mediave vjen në të njëjtën kohë me publikimin e nivelit zyrtar të varfërisë në Shqipëri e që zbulon se 671 mijë shqiptarë jetojnë nën kufirin e varfërisë. Shifra është zyrtare, e INSTAT, por një shifër edhe më e frikshme është ajo e shqiptarëve që s’përballojnë dot marrjen e shërbimeve bazë. Mbi 1,1 milionë shqiptarë, ose 38 për qind e popullsisë së vendit është sot në pamundësi për të përballuar shpenzimet për pushimet vjetore një javë larg nga shtëpia; në pamundësi për të përballuar një vakt me mish pule, një herë në dy ditë; në pamundësi financiare për të përballuar një telefon (duke përfshirë telefonin celular); në pamundësi për të pasur një TV me ngjyra; në pamundësi për mbajtjen e shtëpisë ngrohtë në mënyrë të përshtatshme dhe në pamundësi për të paguar faturat e ujit e të dritave.
Këto të dhëna janë fotografia e Shqipërisë së sotme, së cilës po i kërkohet të mbyllë gojën. Ligji ka kaluar dhe sipas trashëgimisë komuniste, pritet “fukarallëk-maskarallëk”, pra pritet të pranohet realiteti, të pranohet diktati dhe mediat të rikthehen në kohën e temenasë. Shenjat nuk është se s’janë dhënë, protesta e djeshme e gazetarëve para parlamentit ishte e vakët, ndërkohë që oligarkët e mediave tradicionale po fërkojnë duart, sepse hëpërhë, do t’i pritet koka konkurrencës së medias online, e cila po i nxirrte disi jashtë tregut.
Si në një lojë birilash, kanë rënë njëra pas tjetrës të gjitha pushtetet. Pyetja është: me ligjin e fundit, a do e garantojë “mbreti” qetësinë e tij? Me mbi 1 milionë shqiptarë që po kullandrisen në brigjet e urisë dhe që do ishin një minë me sahat për këdo vend të pasur, imagjinoni për buxhetin tonë të vogël e të sakatuar nga vjedhjet, ajo qetësi as duhet ëndërruar. Fukarallëk-maskarallëku veç vonon prishjen e “status-quo”-së, por si në një spirale ngjitëse, ajo edhe paralajmëron se zgjidhja që do të vijë do të jetë shumë më e dhimbshme për disa dhe mjaft e zhurmshme për serhixhinjtë.

Modifikuar më Premte, 20 December 2019 09:14

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Koronavirusi/ Ambasada shqiptare ne Romë: Çfarë po ndodh me njerëzit tanë në Itali

Aktualitet

Koronavirusi/ Ambasada shqiptare ne Romë: Çfarë po ndodh me njerëzit tanë në Itali

Përhapja e Koronavirusit në disa rajone të Italisë ka sjellë dhe reagimin e ambasadës shqiptare në Romë, e cila përmes një deklarate, ka bërë të ditur se deri më tani, asnjë...

Bernie Sanders fiton Nevadën

Globi

Bernie Sanders fiton Nevadën

 Bernie Sanders fitoi të shtunën zgjedhjet brenda partisë në garën për zyrtarizimin e kandidatit demokrat që do të garojë kundër presidentit Trump në zgjedhjet e nëntorit. Me fitoren në Nevada zoti...

EMRAT/Aksioni për “Lojërat e fatit”, gjykata jep masat e sigurisë për të arrestuarit

Aktualitet

EMRAT/Aksioni për “Lojërat e fatit”, gjykata jep masat e sigurisë për të arrestuarit

Policia e Shtetit arrestoi ditë më parë disa persona, të cilët akuzohen se kanë organizuar lojëra fati në mënyrë të paligjshme. Gjykata e Tiranës ka dhënë sot masat e sigurisë për...

Sondazh

Nothing found!

Sondazh

Nothing found!