Nga një shuplakë në çdo kryeqytet të Evropës. Ky është bilanci i diplomacisë dhe marrëdhënieve ndërkombëtare të Edi Ramës.

Konferenca për shtyp më e vështirë e Ramës duhet të ketë qenë ajo e ditës së sotme nga salla e bërë enkas në aeroportin e Rinasit. Tashmë është bërë shumë familjare ajo pamje, një sallë konferencash dhe një fytyrë gjithmonë e më e pajetë, gjithnjë e më e nxirë.

Keq erdhi pak ditë më parë Rama nga Berlini, pasi Merkel ia tha në sy së çmendon për të dhe bandën e tij dhe akoma më keq kthye sot nga Sofja, ku lidershipi i Europës ia bëri të qartë se integrimi i Shqipërisë në BE dhe ai Kryeministër janë dy gjëra që nuk mund të ecin në bashkë me njëra-tjetrën.

Kancelaritë e botës ia kanë mbyllur dyert. Ishte kryeministri më i mbështetur dhe sot është më vetëm se asnjë tjetër më parë.

Por ndryshe nga herët e tjera, kjo e sotmja ishte edhe më e rëndë. Rama pati një disbalancim psikologjik, nervat e lanë. Tanimë ai e di mirë fundin e tij. Pyetja që i bëri gazetarja ishte shumë për të në këtë moment të vështirë dhe Kryeministri doli nga shinat. E braktisi konferencën për shtyp, duke treguar se tashmë është i braktisur totalisht, prej kohësh nga shqiptarët dhe tanimë edhe nga të gjithë miqtë e Shqipërisë.

Që kur ka vendosur që pas çdo vizite jashtë vendit të bëjë një komunikim me mediat nga aeroporti, kjo sallë i është shndërruar në makth kryeministrit. Kjo sigurisht jo për faj të sallës. Dështimet dhe shuplakat e njëpasnjëshme të çdo vizite jashtë vendit janë arsyeja. /55news.al/