Redaksionale

“Kur një qeveri nuk bën asgjë që populli ka nevojë dhe kërkon ajo e meriton të largohet me çfarëdolloj mënyre, qoftë edhe duke e shporrur me gurë”. Ka qenë kjo një shprehje e një prej presidentëve më të dashur të italianëve, Sandro Pertini, në periudhën kur vendi i tij vuante nga lidhjet e qeverisë me mafian.

Dhe kjo shprehje është gjithmonë e më aktuale në Shqipërinë tonë.

E përditshme ka qenë javët e fundit pamja kur deputetët e mazhorancës, ministrat apo edhe vetë Kryeministri Rama kanë zgjedhur të heshtin apo më keq akoma të bojkotojnë.

Është normalitet dhe demokratike kur një opozitë vendos që aksionin e saj politik ta bazoj te bojkoti por është rast unik në botë kur një mazhorancë bojkoton. Çfarë e ka detyruar këtë qeverinë tonë këtu ta bëjë diçka të tillë.

Frika, tensioni dhe paniku prej kapjes ‘me presh në duar’ i ka bërë të gjithë rilindësit t’ia mbathin.

Këtë të shtunë, opozita e bashkuar ka thirrur popullin në shesh, para zyrës së Ramës. Presioni i shtuar i opinionit publik pas skandaleve që nuk kanë fund e ka bërë qeverinë memece dhe shurdhe.

Rama bojkoton pyetjet e gazetarëve, në çdo komision parlamentar deputetët socialistë ia mbathin dhe ministrat që kanë humbur ‘pa nam e nishan’. Koha erdhi! Shqiptarët e kanë vendosur! Kjo qeveri meriton vetëm drejtësinë popullore! /55news.al/