Kryeministri Edi Rama ka publikuar mëngjesin e sotëm një artikull të një media italiane që flet për turizmin në Shqipëri.

Në artikullin në fjalë renditeshin disa arsye pse duhet që të huajt të vinin në Shqipëri si turistë, pasi vendi është i bukur, ka gatim të mirë dhe shumë shërbime dhe të mira që mund të ofrojë vendi ynë ndaj të huajve.

Por, a mundet që të anashkalohet siguria në vendin tonë, ku kryeministri Edi Rama me paaftësinë e tij dhe me bandat që kanë kapur shtetin po terrorizojnë çdo ditë vendin tonë.

Jo më larg se mbrëmjen e djeshme një 28-vjeçar u qëllua për vdekje nga persona të armatosur, të cilët pasi kryen krimin u larguan pas asnjë shqetësim, ndërsa policia si gjithmonë thotë se po punohet për kapjen e tyre.

Promovimi më i keq për turizmin ishte shndërrimi i Shqipërisë në furnizuesin kryesore të kanabisit, dhe kohët e fundit po shndërrohet në një vend transit për drogat e forta.

Dhe me qeverinë e Edi Ramës, vetëm po nxihet imazhi i Shqipërisë në botë, ndërsa vendi po shkon gjithnjë e më shumë në rrënim. /55News.al/