Debati për dështimin e hapjes së negociatave vazhdon ende në parlament. Deputeti demokrat Tritan Shehu ndërsa akuzon Ramën se dështoi për të integruar Shqipërinë, i kërkoi atij të japë dorëheqjen.

“Vuajtja ndjehet nga të gjithë shqiptarët, por nuk ndjehet vetëm në rreshtin prapa meje (vendi ku ulet qeveria dhe kryeparlamentari). Humbje e madhe kjo, e pa merituar për popullin tonë. Një humbje e krijuar nga një qeveri e papërgjegjshme. Nga ata që kam këtu prapa, sepse objektivat e tyre janë shumë larg interesave të shqiptarëve. Rama duhej të tërhiqej sot.

Ju po na ekspozoni përballë rreziqe dramatike për të ardhmen tonë. Keni vënë në dyshim përkatësinë tonë, rrënjët tona europiane. Në vend që ju shtetarë të veproni punën për të përmirësuar situatën, ju i dreqosët ato.