Ambasadori i Britanisë së Madhe në Shqipëri, Duncan Norman ka thënë sot se peshqit e mëdhenj janë ende në Oqean.
Gjatë fjalës së tij në aktivitetin për operacionin “Forca e Ligjit”, ai tha se anëtaret e grupeve kriminale vazhdojnë të jenë me imunitet.
“Unë e di që ministrat e Mbretërisë së Bashkuar mezi po presin të kalojnë kohë me ministrin Xhafaj dhe ekipin e vet në takime të ndryshme me të. Kemi shembuj suksesi.
Një vit është një kohë shumë e shkurtër sa i përket zbatimit të ligjit.
Ka ende sfida. Ata peshqit e mëdhenj për të cilët është folur mbeten ende në oqean dhe se anëtarët më të lartë të grupeve kriminale kanë imunitet sa i përket ndjekjes penale dhe kjo duhet të ndryshojë në vitet në vijim dhe ajo rrjeta duhet të mbyllet dhe duhet ti kapë”, tha Duncan Norman.
