Kreu i grupit Parlamentar të LSI-së Petrit Vasili, ka reaguar pas parrullave me vdekje për kryeministrin italian, Matteo Salvini.

Vasili thotë se Salvini po kërcënohet për të vetmen arsye që u ka shpallur luftë bandave kriminale, ndërsa në Shqipëri thotë se ndodh e kundërta.

Sipas Vasilit, në vendin tonë bandat dhe kryeministri i buzëqeshin njëra-tjetrës. Ai shton se Rama nuk guxon as të lasë për bandat, e jo më t’u shpallë luftë atyre.

“Salvinin e kërcënojnë me vdekje bandat, ndërsa kryeministrit tonë i buzëqeshin.

Ministri i Brendshëm i Italisë Matteo Salvini hapi një front luftë të pamëshirshme ndaj krimit të organizuar, bandave, trafikantëve të drogës dhe të qenieve njerëzore në Itali.
Rezultatet e tij brenda pak javëve kanë qenë të jashtëzakonshme dhe mbështetja e qytetarëve italianë për të rritet në mënyrë spektakolare, ndërsa shqetësimi i bandave të kriminelëve më i madh se kurrë.
Duke i goditur në zemer bandat Salvini ai po përballet edhe me kërcënimet me vdekje prej tyre.
Ndërsa kryeministri i Shqipërisë bashkëjeton me 40 banda kriminale të deklaruara nga ai vetë.
Këto banda i buzëqeshin kryeministrit dhe ai ju buzëqesh atyre se kanë shumë gjëra të përbashkëta mes vedi.
Kryeministri ka frikë edhe të flasë e jo më t’i godasë bandat.
Kryeministri, që bën llafazanin,arrogantin, gojëpisin dhe që kakaris si gjeli në pleh, kur vjen fjala te bandat rri si pulë e hutuar.Kuptohet ka frikë.
Megjithëse Departamenti Amerikan i Shtetit dhe CIA flasin qartë për krimin e organizuar,pastrimin dhe parave të pista i vetmi që nuk flet, nuk lëviz gishtin, nuk vepron është vetëm ai, kryeministri.”, shkruan Vasili.

Ditët e fundit në Itali, janë paraqitur shkrime nëpër mure, që kërcënojnë me vdekje Salvinin, por ai iu përgjigj në këtë mënyrë: ‘Salvini vdes’. Edhe në Rovereto, frikacakët përpiqen më kot për të më frikësuar. Kush shkon t’i tregojë këtyre fenomenalëve se kërcënimet e tyre nuk na trembin? “.