Pas dështimit në Shkodër ,Arta Marku ka organizuar një takim me drejtues drejtuesit e Prokurorive të Rretheve Gjyqësore dhe të Apelit. Në njoftimin e Prokurorisë thuhet se në mbledhjen e zhvilluar në Prokurorinë e Përgjithshme, Arta Marku, kërkoi rritjen e bashkëpunimit me Policinë dhe agjencitë e tjera të ligjit, ngritjen e grupeve të përbashkëta hetimore, për hetimin e krimit në tërësi, dhe në veçanti krimit kundër jetës, pronës, korrupsionit dhe krimit të organizuar.

Qartazi, ky njoftim vjen si një kohë të pushtimit të çdo qelize të policisë nga krimi i organizuar, siç e dëshmojnë rasti i Shkodrës dhe vrasjet mafioze përgjatë vendit. Arta Marku bën të njëjtën fushatë si Rama e pandeh se si kryeministri që darovit qeveritë me mbledhje në Vlorë, edhe kjo mund të mbulojë zullimin me mbledhje. Por, Arta Markut si dallohet sinqeriteti sepse ajo ka treguar se është e përzgjedhura e Ramës, ashtu siç kanë qenë deputetë e kryebashkiakë të kriminalizuar, të përzgjedhurit e kryeministrit. Nuk ka asnjë dallim nga ata dhe roli që i është dhënë nuk është që të bëjë kryeprokuroren, por të luajë kryeprokuroren. Prandaj, çdo aktiviteti i saj, qoftë edhe shkresat që firmos, nuk janë gjë veçse bosh! E vetmja e vërteta e saj është se i shërben një kryeministri që në vena i qarkullon vetëm krim.