Lulzim Basha ishte ditën e sotme në Berat, ku nga aty e bëri të qartë se ka ardhur koha që populli shqiptar të çohet kundër Edi Ramës.

Kreu i Partisë Demokratike, kishte edhe një mesazh për qytetarët për sa i përket ekonomisë, pasi premtoi se sapo ai të vinte në pushtet, PD do të nisë luftën kundër varfërisë dhe krimit të organizuar.

Ja postimi i Bashës:

Fund trajtimit preferencial për politikanët!

Dita kur politikanët të mos jenë më mbi ligjin, do të jetë dita e parë e bardhë për qytetarët në Shqipëri.

Ne nuk mund të pranojmë që fëmijët të mbeten pa ngrohje në shkolla apo që mijëra familjeve tu ndërpritet ndihma ekonomike vetëm sepse qeveria i shpërndan paratë te 10 oligarkë apo kriminelë.

Ndaj jemi të vendosur që me taksa të ulëta dhe me kthimin e investimeve të huaja, të garantojmë punësim, infrastrukturë dhe shërbime sociale, në mënyrë që asnjë shqiptar të mos nëpërkëmbet.

Nuk do lejojmë që oligarkët të falimentojnë Shqipërinë!

Por bashkë me qytetarët do garantojmë që çdo qindarkë e grabitur të kthehet në xhepat e tyre!