Tirana po bëhet përditë e më shumë një qytet ku nuk mund të jetohet. Babëzia e një kryeministri të pashpirt në kufijtë e marrëzisë dhe të një kryetari bashkie dalë prej kazanit të Edi Ramës, e kanë çuar kryeqytetin e Shqipërisë në një prej vendeve më të bezdisshme të Europës. E nisi Rama dhe po e përfundon Veliaj. Të dy po vrasin qendrën historike të Tiranë me një pasion që është pak ta quash të çmendur. Edhe përreth sahatit të qytetit sapo nisën ndërtimet e tjera. Nuk po lënë cep të qendrës pa zënë me beton e ndërtime. E për ta kompensuar këtë, Veliaj, me rolin tipik të agjitatorit komunist, nuk lë ditë pa dalë të ekrane për ndonjë lodër kalamajsh e çështje komunale të rëndomta. Kullat, betoni dhe metrat katrorë janë thelbi i asaj që po ndodh në Tiranë. kompensimi me lajme komunale synon të humbë mendjen e qytetarëve nga kjo tragjedi e tmerrshme e Tiranës. Është një këngë popullore “2 dele-300 pare”, por Rama-Veliaj e kanë kthyer “2 lodra-300 kulla”.