Mijëra shqiptarë janë nisur në drejtim të Komisonit Qëndror të Zgjedhjeve. Vendimin e bëri të ditur vetë kreu i PD-së, Lulzim Basha i cili tha se të gjithë kandidatët për deputetë do të nisen drejt KQZ-së për të dorëzuar refuzimin.

Protestuesit dhe krerët e PD-së dhe LSI-së janë drejtuar Komisionit Qendror të Zgjedhjeve. Sipas burimeve do të dorëzohen në KQZ listat me emrat e kandidatëve në listat e deputetëve që nuk do të pranojnë mandatet.

Ka qenë Basha ai që iu ka bërë thirrje qytetarëve që të zhvendosen, duke shmangur në këtë mënyrë dhe përplasjen me deputetët e mazhorancës që përfunduan seancën në Kuvend.

Marshimi i protestuesve është shoqëruar dhe me thirrjet: Rama ik, Rama ik!

Më herët nga Kuvendi u largua dhe kryeministri Rama, i cili nis pasditen e sotme një vizitë 24-orëshe në Itali, ku tha se do sqarojë fqinjët se gomat e djegura nuk janë imazhi i Shqipërisë.