Gazetari Erl Murati thotë se me numrat që ka Edi Rama në Parlament mund të ndryshojë dhe kushtetutën. Nga studio e emisionit Opinion ai tha se opozita nuk mund të emërohet.

Erl Murati: Ishte një protestë pozitive, nuk kishte akte dhune. Sa i përket qëndrimit politik të dy palëve, po e mbajnë në nivele maksimale. Parashikoj që kjo krizë të jetë shumë e gjatë dhe të futen dhe politikanë të lartë ndërkombëtarë. Dialogu hë për hë është i pamundur. Edhe eurodeputetët kanë tentuar të bëjnë një marrëveshje. Nuk besoj që opozita mund të emërohet. Kjo mund të jetë një patericë afatshkurtër po nuk besoj ta mbyllë mandatin. Unë besoj që do jetë një zgjidhje e mesme, por jo brenda këtij viti.

Edhe gazetari tjetër Mentor Kikia mendon se deputetët e rinj nuk mund të zëvendësojnë opozitën. Por sipas tij kjo krizë të le të shërbejë për ndryshimin e sistemit zgjedhor.

Mentor Kikia: Nuk janë njerëz të zgjedhur nga Rama. I ka futur LSI në lista dhe PD. Kjo që po mësojmë është treguesi se çfarë dëmi i kanë bërë këtij vendi listat e mbyllura. Kjo krizë të çojë drejt ndryshimit të sistemit zgjedhor. Ata nuk e zëvendësojnë dot opozitën, nuk bëjnë dot si opozitarë kanë ardhur aty si një kompromis politik./