Në ditën e 8 Marsit, 30 gra përmbaruese dhe pjestare të Dhomës Kombëtare kanë zgjedhur një formë tejet të vecantë për të protestuar. Përmes një letre të hapur drejtuar Kryeministrit të vendit, ato kanë shpalosur të gjitha sfidat dhe vështirësitë që duhet të hasin cdo ditë jo vetëm si femra por edhe si profesioniste në këtë vend. Të punosh si përmbaruese dhe të jesh femër është një ndër kombinimet më të vështira.

Në këtë letër ato i kanë treguar kryeministrit se si vendimet e gjykatave që vendit nuk merren për bazë, anashkalohen dhe injorohen në mnëyrë arbitrare duke e bërë të pamundur ekzekutimin e vendimeve. Por, për femrat që punojnë në këtë profesion vështirësitë i bëjnë të përballen edhe me arrogancën e pushtetit ku shumë prej drejtorëve dhe ministrave refuzojnë të pranojnë vendimet duke kërcënuar dhe shantazhuar punonjëset.

Gratë ndër të tjera i kujtojnë Ramës edhe largimin e ministrit të Financave Arben Ahmetaj i cili kundërshtoi tarifat e përmbarimit.

“Ju besojmë e dini që në 4 vitet e fundit ne si përmbaruese vetëm “luftojmë” me ministrat e kabinetit tuaj qeveritar nëpër gjykata. Dy palë gjyqe në 4 vite qeveri dhe përmbarim bashkë. E vetmja marrëdhënie me anëtarët e qeverisë suaj ka qenë salla e Gjykatës Administrative të Apelit.

E për ta përmbyllur ato sjellin në vëmendje edhe një ministër të larguar rishtazi nga Rama, i cili me arrogancë u përlesh me përmbaruesit si tigër i vërtetë për tarifat e përmbarimit, derisa iku me nderin e atij që çoi porosinë e bankave në vend. Duke mos lënë mënjanë edhe Ministren e Drejtësisë, e cila gjithashtu sot feston 8 marsin por nuk i ka dëgjuar ansjëhere ankesat dhe vërejtjet e grave që punojnë në këtë profesion.

Më poshtë letra e plotë