Maxhoranca pritet të zhvillojë sot seancën e radhës plenare, ndërsa opozita do të vazhdojë protestat para selisë së Parlamentit. Opozita është shprehur se nuk do të ndalet së protestuari deri në rrëzimin e qeverisë.

Nga ana tjetër, policia që në orët e para janë vendosur përballë Kuvendit por jo vetëm aty. Siç shihet në fotot e mëposhtme, policia e vendosur tek Pedonalja, bllokon protestuesit.

Edhe në këtë seancë, përfaqësuesit e maxhorancës por edhe deputetët e rinj opozitarë do të hyjnë nga pedonalja, e cila është rrethuar me efektivë të Policisë së Shtetit dhe Gardës së Republikës. Godina e Parlamentit do të vijojë të jetë e rrethuar me kamera për të fiksuar të gjithë protestuesit e opozitës që mund të shfaqin shenja dhune.