Sekretari i Përgjithshëm i PD, Gazment Bardhi, ka shkuar në Prokurorinë e Tiranës për të ngritur padi nga ana e PD-së kundër Ministrit të Brendshëm Sandër Lleshaj dhe Policisë për përdorimin kriminal të gazit lotsjellës në protestë.

“Apeli im është për gjyqtarët dhe prokurorët: Nuk kanë për të kaluar vetingun duke i shërbyer në mënyrë kriminale qeverisë. Fundi i atyre që i i shërbejnë në mënyrë kriminale qeverisë, do të jetë njesoj si fundi i kësaj qeverie”, deklaroi Gazmend Bardhi, Sekretar i Përgjithshëm i PD, pasi doli nga Prokuroria e Tiranës. Ai ngriti padi në emër të kësaj force politike kundër ministrit të Brendshëm Sandër Lleshi dhe Policisë për ushtrim dhune ndaj protestuesve.