Ish kryeministri Sali Berisha i ftuar në ABC NEWS ka komentuar vendimin e Parlamentit holandez duke thënë se ky shtet ka peshë në Bashkimin Evropian. Berisha tha se vendimi u mor nisur nga raportet e DASH dhe rritjes së krimit. Gjithashtu edhe për faktin se Shqipëria është vendi i parë pas Sirisë për azilin në Holandë.
Berisha: Në opinionin dhe vlerësimin tim ky është një vendim dramatik për Shqipërinë dhe shqiptarët. Së pari është i para vendim i këtij lloji që merret për Shqipërinë ndonëse në kushtet e Shqipërisë janë me dhjetëra e dhjetëra vende. Nga këto vende mbetet vetëm Shqipëria, dhe vendimi merret nga vendi më me peshë në BE siç është Holanda. Çfarë e shtyhu Parlamentin me 2/3 e votave të 9 partive politike? Së pari krimi shqiptar, jashtëzakonisht agresiv dhe në rritje. Kjo mbështetet në një raport dhe një deklaratë të përsëritur në dy raportet e fundit të DASH. Së dyti thotë Parlamenti, shqiptarët vijnë të parët pas sirianëve për azil.