Këshilli Kombëtar i PD vendosi sot që të zyrtarizojë qëndrimin për të mos marrë pjesë në zgjedhjet e ardhshme vendore nëse nuk plotësohen kushtet për qeveri tranzitore dhe standarde elektorale. Në koment të këtij vendimi, ish-kryeministri Sali Berisha tha se kjo është një betejë vdekje a fitore. Berisha tha se jemi në kushtet e një puçi brenda shtetit dhe se për votën e lirë opozita ka në anën e saj popullin dhe përballë drogën dhe gangsterët.

Berisha: Për herë të parë në historinë e këtij vendi kemi një opozitë e cila jeton në kushtet e një grushti shteti brenda shteti, ku kreu ekzekutiv ka marrë të gjitha kompetencat kushtetuese. Kushtetutshmëria ka rënë plotësisht. Kjo bën që Rama të votojë ligje në kundërshtim me Kushtetutën. Në rastin e fundit futi ushtrinë në aeroport pa një vendim të Kuvendit. Pra jemi në kushtet e një puçi. Gjykata kushtetuese përdor ombrellën e qytetarëve dhe opozitës, në Shqipëri nuk është kjo ombrellë. Partia Demokratike përpara kësaj betejë është përpara fitores ose vdekjes. Opozita që sot ndihet shumicë do ti tregojë vendin gangsterëve dhe do ti kthejnë të drejtën shqiptarëve për të votuar të lirë. Opozita ka popullin dhe do të ketë përballje me drogën, gangsterët. Vendi po shkon drejt një përplasje të sigurte civile. Për rikthimin e votës ia vlen çdo veprim.