Çmenduria e fundit zhvendosja e Drejtorisë Arsimore e Shkodrës në Lezhë dhje ky vendim është jo vetëm çmenduri por edhe urrejtje patologjike ndaj atij qyteti. Ishte qyteti që e njihte, nuk e pranonte, e urrente Enver Hoxhën, komunizmin e tij, por edhe më i guximshmi për tiu përgjigjur asaj zezone me humorin e hollë brilant shkodran.
E kishin kuptuar Enver Hoxhën me të gjitha veset dhe tmerrin që ai përfaqësonte dhe po të njëjtën pamje model kanë përpara, dhe po me të njëjtën inteligjencë e kanë kuptuar.
Urrejtja për Shkodrën tek pinjollët është edhe më e madhe, se u kujton baballarët e tyre me të gjitha metodat e zeza diabolike mesjetare nuk e përkulën si qytet. Dhe ia dinë, ia njohin këtë instinkt. Por goditja që i bëhet në mënyre kaq perverse me drejtorinë arsimore është sa e ulët aq edhe e neveritshme. Ti çojnë Pjerin Ndreut (me formim akademik të lartë) mijëra e mijëra vjet kulturë të kryeqendrës së veriut.
Kryetarja e Bashkisë Voltana Ademi akuzoi kryeministrin Rama se po hakmerret me Shkodrën. Ajo thotë se pasi largoi dy drejtori të rëndësishme nga Shkodra, Arkivat dhe Ujërat, tashmë do të largojë edhe Drejtorinë Arsimore Rajonale, e cila, sipas Ademit do të kalojë në varësi të Lezhës. Ademi i kërkoi ministres Shahini e Kryeministrit Rama të tërhiqen sa nuk janë vonë.
“Tërhiquni sa jeni në kohë! Tërhiquni sepse do të ndjeheni të turpëruar përjetë jo vetëm përballë Shkodrës e shkodranëve por edhe Shqipërisë e shqiptarëve kudo ku janë. E në fund, dua t’u kujtoj se nuk mund ta gjunjëzoni Shkodrën! Nuk ia doli komunizmi me diktatorin Enver Hoxha, e nuk do t’ia dalë as neokomunizmi i ditëve të sotme” tha Ademi./ Redaksionale