Kryetarja e LSI-së, Monika Kryemadhi, ka ngushëlluar familjarët dhe të afërmit e major Klodian Tanushit, i cili humbi jetën në Letoni pas një incidenti në kampin ushtarak “Adazi”. Kryemadhi shkruan në facebook se dhimbja është e madhe por Klodiani thotë kryetarja e LSI-së, do të mbetet përjetësisht në altarin e nderit dhe të krenarisë shqiptare.
Postimi i plotë
Një tjetër lajm i rëndë e një tjetër dhimbje e madhe për të gjithë ne. Ka humbur jetën edhe Major Klodian Tanushi! Nuk ka fjalë që të mund të shpreh ngushëllimin e as zemër që të mbajë peshën e dhimbjes por me gjithë shpirt e zemër jam në këto çaste të rënda pranë familjes Tanushi, për të ndarë dhimbjen me bashkëshorten dhe fëmijët e Klodianit, i cili do të mbetet përjetësisht në altarin e nderit dhe të krenarisë shqiptare! I ndrittë shpirti dhe u prehtë në paqe!