Kryetari i Partisë Demokratike Lulzim Basha i është përgjigjur edhe interesit të medias nëse do të futet në dialog me këtë të fundit, që e konsideron akoma si mikun e tij.
Basha tha se Rama nuk ka qenë kurrë miku i tij, por i kriminelëve dhe hajdutëve.
‘Lulzim Basha nuk ka qenë asnjëherë miku i Edi Ramës. Miqtë e Edi Ramës janë kriminelët, disa janë pronarë mediash, disa marrin favore nga Edi Rama, këta janë miqtë e Edi Ramës dhe jo të Bashës. Këtë njeri e ka mundur arroganca, hajdutëria, krimi.”
Më tej Basha se e vetmja rrugë është largimi i Ramës nga pushteti.
‘Vendosmëria jonë është e padiskutueshme. Zgjidhja jonë politike është vetëm një.
Kryeministri i lidhur me krimin duhet të largohet
Qeveri tranzitore dhe një proces demokratik dhe transparent për ta stabilizuar rendin dhe për ti hapur rrugën pastaj një reforme te thellë për ti kthyer qytetarëve sendin më të çmuar që u ka vjedhur kjo qeveri, që është liria për të zgjedhur, për të kthyer fatin e shqiptarëve në duart e shqiptarëve.”, tha Basha.