Në një deklaratë të përbashkët, dy deputetët gjermanë, Johann David Wadephul, zëvendëskryetar i grupit parlamentar CDU/CSU në parlamentin gjerman dhe njëherazi drejtues i grupit të punës së Ballkanit Perëndimor, si dhe Christian Schmidt, CSU, raportuesi për Shqipërinë në Komisionin e Jashtëm dhe ish-ministër federal, shprehin shqetësimin e tyre për krizën politike që ka kapluar vendin.

Dy janë porositë e Gjermanisë e cila në terësinë e saj përbën një zhvendosje të faktorit ndërkombëtar drejt Opozitës: Shtyrja e zgjedhjeve dhe hapje e një tryezë, ku të bisedohet çdo temë, nga ku mund të deduktohet edhe tema për dorëheqjen e Ramës. Dozat e kritikës ndaj Ramës dhe aradhes  ambasadoriale që e mbështet dallohet qartë pasi për CDU/CSU protestat e përsëritura në Shqipërinë janë shenjtë e pakënaqësisë së qytetarëve. “Protestat e përsëritura në Shqipëri janë një shenjë e pakënaqësisë së shumë qytetarëve. Ne bëjmë thirrje që protesta të jetë paqësore. Aktet e dhunës i dënojmë thellësisht. Është përgjegjësia e vendimmarrësve të politikës që të sillen të arsyeshëm në këtë situatë dhe që me të gjitha forcat të përpiqen për ta qetësuar gjendjen. Nëse kjo nuk do të ndodhë, ekziston rreziku që vendit t'i mbyllet rruga drejt Evropës”, thuhet ndër të tjera në deklaratën e dy deputetëve gjermanë, dhënë për DW.

Por, përpos Edi Ramës, në shenjëster janë edhe ambasadorët në vend, veçanërisht këta të tipit si Borshard që i kanë kthyer selitë diplomatike në hartime romantike për qeverinë, duke shpërfillur krizën në vend. Madje, nuk dihet sesi do kapërdihet kjo nga Boshardi i cili ka përgatitur edhe monitoruesit e zgjedhjeve.